🌺孕後期清胎毒篇🌺「黑豆蓮蓬雞蛋湯」
今次再為大家介紹一款孕中期至孕後期都啱飲嘅湯水，同樣都係唔會太涼，但可以清除胎毒而且味道清甜，好飲又有益！😋特別鳴謝我弟婦媽咪專煲咗幾次俾我飲😘因為我覺得個蓬蓬好肉酸我有啲驚所以佢煲俾我😅（無錯！就係好似花灑咁嘅樣，青綠色既🚿)孕中期每月飲1～2次就可以， 後期每月飲2～3次，等我介紹下材料既好處先😎
黑豆功效：補腎益陰，健脾利濕，去水腫，抗衰老，除熱解毒，且黑豆的纖維質含量高，可促進腸胃蠕動，預防便秘，啱晒孕期水腫同排便不順既媽媽們💕
蓮蓬功效：養心補脾，安胎解毒，治失眠
材料和做法：手抓一把黑豆浸軟方便煮出味道，一個大蓮蓬洗淨，凍水一齊落煲煮大約20分鐘（大約6碗水煲成2碗左右），快煮好時放一小塊紅糖或冰糖，然後打入一隻雞蛋。
呢個湯真係好好飲❤️而且啲便便⋯⋯真係暢順左好多😂誠意推介俾各位孕媽媽試試呀！
Search